Cater ９ 与管佳莉的三两事（下） (第7/9页)

她失望，最後我当然输掉了这场襟棉胎。

    肥婆琼向我道：「你输咗要罚。」

    「吓！罚啲咩？」

    「欸！算喇！唱首歌算喇。」

    「吓！要唱歌架，咁好啦！有只雀仔跌落水…」

    「喂！边个话畀你拣歌，你输咗，系我点唱。」

    「吓！咁唱咩歌？」

    「挡不住的风情啦，要跳埋舞架。」

    「吓！依首我唔识喎！」

    「咁波斯猫呢？」

    「波斯猫系咪饮品嚟？」

    「依首唔识，嗰首又唔识，你识唱啲咩？」

    「我唔系好识唱歌？」

    「咁你偶像系边个？」

    「我几锺意伊面。」

    「咁求其唱首伊面嘅歌嚟听下。」

    我轻轻咳了声，清清喉咙，管佳莉在场，我有点紧张，唱道：

    「喜欢你我最清楚这感觉

    从前你是你从前我是我…」

    肥婆琼笑弯了腰，管佳莉等人亦捂住嘴巴，我尴尬得住口。

    肥婆琼道：「仲咩停咗啊！继续啦！」

    我勉强唱完了半首一生Ai你一个，所有人也忍俊不禁笑了起来。

    肥婆琼道：「唱得好伊面喎！」